أربع باقات، وكل واحدة بتحل مشكلة مختلفة
الأربعة كلهم ينفعوا محامي شغّال باسمه لوحده — مش مربوطين بحجم المكتب. السعر قدامك على طول، وكل باقة بتقول اللي بتزوّده عن اللي قبلها، والديموهات تحت عشان تشوف الشغل بعينك.
اختار اللي يناسبك
السعر شامل التصميم والتنفيذ والمحتوى المذكور والاستضافة أول سنة. العربون ٢٥٪ والباقي عند التسليم. وكل باقة بتقول اللي بتزوّده عن اللي قبلها بس، عشان تشوف الفرق من غير ما تقرا نفس الكلام أربع مرات.
باقة المحامي
للمحامي اللي شغال باسمه وتخصصه واحد أو اتنين. لو المكتب فيه أكتر من محامي، ابدأ من الباقة اللي بعدها
- التنفيذ من يوم لـ٣ أيام
- استضافة سنة مجانية على ساب-دومين باسمك، والتجديد بعدها ٦٠٠ ج/سنة (أو ١٬٠٠٠ لو عايز دومين .com باسمك)
اللي داخل الباقة:
- صفحة كاملة بتصميم مخصوص ليك — مش قالب جاهز ولا ووردبريس. افتح الموقع
- صورتك في أول سيكشن — الموكل بيقرر يكلّم مين قبل ما يقرا
- تخصصاتك بصورة لكل واحد، مش أيقونات
- أسئلة شائعة بتردّ على «بكام» و«بتاخد قد إيه» قبل ما يسأل
- فورم بيفتح الواتس والرسالة مكتوبة جاهزة، وزرار واتساب في كل مكان
- كارت رقمي بكود QR — تطبع الكود على كارت الزيارة، والموكل يصوّره فيفتح كارتك ويكلّمك على طول. افتح الكارت
- ٣ مقالات باسمك وبمراجعتك قبل النشر، كل واحدة في صفحة مستقلة. اقرا مقال منها
- شغّال على الموبايل زي الكمبيوتر، وسريع على شبكات المحمول في مصر
- شهادة أمان SSL والقفل الأخضر في المتصفح
- السورس كود بيتسلّم بالكامل — الموقع ملكك، تاخده لأي حد في أي وقت
- تعديلات مجانية طول أول شهر — لحد ما الشكل يعجبك، وحتى طلبين في الشهر. والطلب تعديل محتوى في حدود نص ساعة — الصفحات والوظايف الجديدة بتتسعّر لوحدها
- مفيش صفحة مستقلة لكل تخصص — كل شغلك في صفحة واحدة · بتتحل في باقة الموقع الكامل
- مفيش صفحة مقالات ولا صفحة عناوين ومواعيد · بتتحل في باقة الموقع الكامل
الصفحات والسيكشنات اللي بنعملها
- الواجهة: اسمك وتخصصك وجملة واحدة تخلّي الموكل يكمّل
- تخصصاتك: من ٤ لـ ٦ مجالات، كل واحد بشرح قصير
- عن الأستاذ: سنين الخبرة، رقم القيد، الجهات اللي بتترافع قدامها
- إزاي بنشتغل: خطوات القضية من أول جلسة فهم لحد المتابعة
- أنواع الأعمال اللي بتتولاها: نوع المسألة والدور اللي اتلعب فيها، من غير أسماء ولا نتايج ولا أرقام قضايا
- ٣ مقالات: الأسئلة اللي الموكل بيسألها قبل ما يكلّمك
- أسئلة شائعة: الأتعاب، المواعيد، السرّية
- التواصل: فورم استشارة + واتساب + موقعك على الخريطة
باقة الموقع الكامل
للمحامي اللي عنده أكتر من تخصص عايز يظهر في كل واحد منهم — ومن هنا وطالع الباقات مناسبة لمكتب المحاماة كمان
- التنفيذ من يوم لـ٥ أيام
- استضافة سنة مجانية على ساب-دومين باسمك، والتجديد بعدها ٩٠٠ ج/سنة (أو ١٬٥٠٠ لو عايز دومين .com باسمك)
كل اللي في باقة المحامي، وزيادة:
- موقع بصفحاته، مش صفحة واحدة طويلة. افتح الموقع
- صفحة مستقلة لكل تخصص بتشتغل فيه. افتح تخصص
- سيكشن نبذة عن فريق المكتب: كل محامي وتخصصاته. شوف نبذة الفريق
- صفحة مقالات فيها ٦ مقالات، كل واحدة بغلافها. اقرا مقال منها
- صفحة العناوين: كل مقر بصورته وخريطته ومواعيده. شوف صفحة العناوين
- تقرير بعد ٩٠ يوم: كام واحد دخل، جه منين، وأنهي تخصص اتفتح أكتر
- تعديلات مجانية تلات شهور — نصوص، صور، بيانات، وترتيب الصفحات، وحتى طلبين في الشهر. والطلب تعديل محتوى في حدود نص ساعة — الصفحات والوظايف الجديدة بتتسعّر لوحدها
- مفيش لوحة تحكم تسجّل الموكلين والقضايا والأتعاب · بتتحل في الباقة برو
- التخصصات لحد ٦، ومفيش ملفات مفصّلة للمحامين ولا صفحة صناعات · بتتحل في الباقة برو
الصفحات والسيكشنات اللي بنعملها
- الرئيسية: المكتب في سطرين، التخصصات، والمحامين، وآخر المقالات
- المحامون: صفحة للفريق، وكارت لكل محامي بتخصصه وخبرته
- التخصصات: صفحة لكل مجال (جنايات، أسرة، تجاري، عمل…) بشرح كامل
- عن المكتب: القصة، سنة التأسيس، ليه الموكل يختارك
- أنواع الأعمال والخبرات: المسائل اللي المكتب بيتعامل معاها، من غير أسماء ولا نتايج ولا أرقام قضايا
- المقالات: ٦ مقالات في صفحة مرتبة بالتخصص
- التواصل: العنوان والخريطة والأرقام، وفورم لكل تخصص
الباقة برو
للمحامي اللي عنده تخصصات كتير أو شغل كبير وعايز لوحة تحكم يتابع بيها — ولأي مكتب محتاج موقع بحجمه
- التنفيذ من يومين لـ٧ أيام
- استضافة سنة مجانية على ساب-دومين باسمك، والتجديد بعدها ١٬٥٠٠ ج/سنة (أو ٢٬٥٠٠ لو عايز دومين .com باسمك)
كل اللي في باقة الموقع الكامل، وزيادة:
- موقع كبير بالعربي، بحجم مكتب له أكتر من تخصص. افتح الموقع
- ١٢ تخصص، لكل واحد صفحته وصورته. افتح تخصص
- ملف كامل لكل محامي: خبرته وتخصصاته ومقالاته. شوف ملف محامي
- صفحة القطاعات اللي بتخدمها: بنوك، عقارات، طاقة، إنشاءات، وشركات. شوف القطاعات
- دراسات حالة: نوع القضية، دور المكتب، والنتيجة — من غير أسماء ولا أي بيانات للموكلين. شوف دراسات الحالة
- ١٢ مقال في مركز محتوى، متكتوبين باسمك وبمراجعتك. اقرا مقال منها
- صفحة للجوائز والتصنيفات والاعتمادات. شوف صفحة الجوائز
- صفحة توظيف — المحامي أو المتدرب بيقدّم منها بدل ما يبعت على الواتساب. شوف التوظيف
- فورم لكل تخصص، بيفتح الواتساب بالرسالة جاهزة
- كارت رقمي بكود QR لكل محامي — بصورته وتخصصه وواتسابه. افتح الكارت
- بيفتح بنفس السرعة من أي محافظة
- تعديلات مجانية ست شهور — نصوص، صور، محاميين جداد، وبيانات، وحتى ٣ طلبات في الشهر. والطلب تعديل محتوى في حدود نص ساعة — الصفحات والوظايف الجديدة بتتسعّر لوحدها
- لوحة تحكم خاصة بيك — بتدخل عليها بباسورد، والموكل عمره ما يشوفها. بتكتب فيها بنفسك، مفيش حاجة بتتسجّل لوحدها. افتح لوحة التحكم
- سجل الموكلين: بتضيف الموكل ومسألته بنفسك، وكل واحد ليه حالة — بتشطب اللي خلص وتشوف اللي لسه
- سجل القضايا: رقم القضية، المحكمة والدائرة، آخر قرار، والخطوة الجاية وتاريخها
- متابعة الأتعاب: المتفق عليه والمدفوع والمتبقي لكل موكل
- المواعيد والملاحظات في مكان واحد، وتذكير مسائي باللي لسه مقفلتوش
- تقرير شهري من اللي سجّلته: الموكلين الجداد، الأتعاب المحصّلة، والقضايا اللي اتحركت
- الرد على أي طلب تعديل خلال ٢٤ ساعة عمل
- الموقع بالعربي بس — مفيش نسخة إنجليزي للشركات والموكلين اللي بره مصر · بتتحل في الباقة بلس
- لوحة التحكم بدخول واحد — مفيش حساب لكل محامي ولا توزيع شغل · بتتحل في الباقة بلس
الصفحات والسيكشنات اللي بنعملها
- الرئيسية: صورة المكتب، أرقام الخبرة، أهم التخصصات، الفريق، وآخر المقالات
- التخصصات: ١٢ مجال قانوني، صفحة كاملة لكل واحد
- المحامون: صفحة للفريق، وملف مفصّل لكل محامي
- الصناعات: القطاعات اللي المكتب بيخدمها، وصفحة لكل قطاع مهم
- دراسات الحالة: القضية والدور اللي المكتب لعبه والنتيجة من غير أسماء
- الجوائز والتصنيفات والاعتمادات
- الوظائف: تقديم للمحامين والمتدربين
- مركز المحتوى: ١٢ مقال وتحليل قانوني
- عن المكتب: القصة، الشركاء، طريقة الشغل، والقيم
- التواصل: فورم لكل تخصص بيفتح الواتساب بالرسالة جاهزة
الباقة بلس
للمحامي أو المكتب اللي بيشتغل مع شركات أو عملاء بره مصر، وعايز الموقع يبقى جزء من الشغل مش واجهة بس
- التنفيذ من ٣ أيام لـ١٠ أيام
- استضافة سنة مجانية + دومين .com باسمك مجاناً أول سنة، والتجديد بعدها ٤٬٠٠٠ ج/سنة
كل اللي في الباقة برو، وزيادة:
- دعم اللغة الإنجليزية — الموقع كله بلغتين، والزائر بيقلب بينهم بزرار. افتح الموقع
- بطاقة وصول لكل موعد — بضغطة من لوحة التحكم بتتبعت للموكل صفحة باسمه هو، فيها ميعاده وصورة مدخل المبنى والدور والركنة والمستندات المطلوبة. بطاقة مكتب دولي بطاقة مكتب مصري
- تحليلات شهرية: الزيارات، التخصصات المطلوبة، والزوار جايين منين
- تصدير Excel لأي فترة
- المحتوى بيتعدّل من اللوحة من غير مبرمج
- اللوحة بالعربي والإنجليزي، والبيانات على استضافتك إنت
- دومين .com باسم المكتب مجاناً أول سنة — مش ساب-دومين زي باقي الباقات
- مقال واحد كل شهر لمدة سنة — إجمالي ١٢ مقال زيادة على الـ١٢ اللي بيتسلّموا مع الموقع، متكتوبين بالعربي ومترجمين للإنجليزي وبمراجعتك قبل النشر
- أولوية في الرد: أي طلب بيتردّ عليه خلال ٢٤ ساعة عمل
- خدمة المحتوى والتعديلات طول السنة — دي بتحل محل الست شهور اللي فوق مش بتتضاف عليها: نصوص، صور، محاميين جداد، وبيانات، وحتى ٣ طلبات في الشهر
- حسابات متعددة على لوحة التحكم — لو المكتب فيه أكتر من محامي، كل واحد ليه دخوله وبيشوف اللي يخصه، والموكلين والقضايا بتتوزّع عليهم ومعروف مين ماسك إيه. ولو شغّال لوحدك، اللوحة بتفضل بدخول واحد لحد ما تحتاجها
الصفحات والسيكشنات اللي بنعملها
- الرئيسية: صورة المكتب، أرقام الخبرة، أهم التخصصات، الفريق، وآخر المقالات
- التخصصات: ١٢ مجال قانوني، صفحة كاملة لكل واحد
- المحامون: صفحة للفريق، وملف مفصّل لكل محامي
- الصناعات: القطاعات اللي المكتب بيخدمها، وصفحة لكل قطاع مهم
- دراسات الحالة: القضية والدور اللي المكتب لعبه والنتيجة من غير أسماء
- الجوائز والتصنيفات والاعتمادات
- الوظائف: تقديم للمحامين والمتدربين
- مركز المحتوى: ١٢ مقال وتحليل قانوني
- عن المكتب: القصة، الشركاء، طريقة الشغل، والقيم
- التواصل: فورم لكل تخصص بيفتح الواتساب بالرسالة جاهزة
- النسخة الإنجليزية: كل صفحات الموقع ومحتواه بنفس المستوى
- لوحة التحكم: الموكلين، القضايا، الأتعاب، التوزيع، التحليلات، وتصدير Excel
في بلس، خدمة السنة مخصوصة لتعديلات المحتوى: نصوص، صور، مقالات، وبيانات. أي تطوير جديد أو تغيير في وظائف الموقع بيتحسب لوحده بعد ما نتفق عليه.
العربون ٢٥٪ عند بدء الشغل، والباقي عند التسليم. ولو الـ٧٥٪ المتبقية اتأخرت عن الميعاد المتفق عليه، بيبقى فيه مهلة ٣ أيام، وبعدها الموقع بيتقفل مؤقتاً لحد ما السداد يتم.
افتح الديموهات وشوف المستوى بعينك
كل لينك شغال وتقدر تفتحه من موبايلك دلوقتي — دي مواقع حقيقية مش صور.
أسئلة بتتسأل قبل الاتفاق
دي إجابات مكتوبة عشان تبقى قدامك، مش عشان تسأل عليها.
السعر ده نهائي ولا فيه حاجات بتتزاد عليه؟
نهائي. شامل التصميم والتنفيذ والمحتوى المذكور في الباقة والاستضافة أول سنة. اللي بيتحسب لوحده حاجتين بس: صفحات أو وظايف جديدة مش مذكورة في الباقة، ودومين .com لو حبيته في غير الباقة بلس.
مدة التنفيذ بتبدأ من إمتى بالظبط؟
من ساعة ما نستلم العربون والمحتوى الأساسي مع بعض: اسم المكتب، بيانات القيد، العنوان والأرقام، والتخصصات بالترتيب اللي تحبه. لو المحتوى اتأخر، المدة بتتأخر معاه — ودي بأيام العمل.
الاستضافة إيه بالظبط، وهل الموقع بيبقى ملكي؟
الموقع بيشتغل على ساب-دومين باسمك (اسمك.techmate-hub.com) وهو مجاني أول سنة، وفي الباقة بلس بيبقى معاه دومين .com باسم المكتب مجاناً أول سنة. والسورس كود بيتسلّم لك بالكامل يوم التسليم — الموقع ملكك، تاخده لأي حد في أي وقت.
التجديد السنوي بيغطي إيه؟
الاستضافة وشهادة الأمان وإن الموقع يفضل شغال ومتباعه، والنسخ الاحتياطي، وإصلاح أي عطل من ناحيتنا. الرقم مكتوب تحت كل باقة من أول يوم ومش بيتغيّر.
وبعد ما فترة التعديلات المجانية تخلص؟
الموقع بيفضل شغال زي ما هو، وأي إصلاح عطل بيفضل علينا. التعديلات بعدها بتتفق عليها وقتها — إما طلب بطلب، أو متابعة شهرية لو الشغل كتير.
لوحة التحكم: مين بيشوفها ومين بيكتب فيها؟
إنت بس، بباسورد، والموكل عمره ما يشوفها ولا يعرف إنها موجودة. وإنت اللي بتضيف الموكلين والقضايا والأتعاب بإيدك — مفيش حاجة بتتسجّل لوحدها من الموقع، لأن كل التواصل بيحصل على الواتساب.
وبياناتي دي بتبقى فين؟
على استضافة الموقع بتاعك إنت، وبتتاخد في النسخة الاحتياطية اللي بتتسلّم لك. وفي الباقة بلس تقدر تصدّرها Excel في أي وقت.
وطريقة الدفع؟
عربون ٢٥٪ عند بدء الشغل، والباقي عند التسليم. ولو حبيت نوزّعها على تلات دفعات نتفق على كده من الأول.